تۇپ-تۋرا 142 جىل بۇرىن الاش قوزعالىسىنىڭ قايراتكەرى, دارىگەر, عالىم حالەل دوسمۇحامەد ۇلى ومىرگە كەلدى, دەپ حابارلايدى Egemen.kz.
قازاق حالقىنىڭ تاعدىرى تارازىعا تۇسكەن الماعايىپ زاماندا حالەل دوسمۇحامەد ۇلى ۇلتىنىڭ جارقىن بولاشاعى جولىندا قاجىرلى ەڭبەك ەتتى. ول مەديتسينا سالاسىندا عانا ەمەس, تاريح, ءتىل ءبىلىمى, ادەبيەتتانۋ, ەتنوگرافيا جانە پەداگوگيكا سالالارىندا دا ولشەۋسىز مۇرا قالدىردى.
حالەل دوسمۇحامەد ۇلىنىڭ ەسىمى الاش يدەياسىمەن تىعىز بايلانىستى. ول ۇلتتىق مەملەكەتتىلىك پەن ءبىلىم بەرۋ ءىسىن جاڭعىرتۋعا, حالىقتىڭ دەنساۋلىعىن ساقتاۋ جۇيەسىن جەتىلدىرۋگە ەرەكشە ءمان بەردى. ونىڭ باستاماسىمەن العاشقىلاردىڭ ءبىرى بولىپ قازاق تىلىندەگى مەديتسينالىق تەرمينولوگيا قالىپتاسا باستادى.